Sinetron sing Jarene Plagiat Akhire Kepiye?

poster diambil dari internet

Wis pirang-pirang dina iki, ana kabar sing ngandhakake yen arep ana sinetron sing arep padha karo drama Korea. Wah yen mung ngono kuwi, wis kawit biyen padha reti yen sinetron Indonesia kuwi terisnspirasi saka drama Korea, Jepang, utawa Hollywood. Nanging sing marai rada kaget yaiku jarene terinspirasi saka drama Korea sing lagi wae rampung dak tonton Januari wingi yaiku You Who Came From The Stars. Mesthine sinetron Indonesia iki bakal lebay tenan yen awakdewe wis reti track recorde. Crita awal mesti padha ning mengko didawak-dawakake ngasi mleber ning endi-endi wakaka *no offense.

Amarga sinetron iki terinspirasi saka drama Korea sing kanggoku apik lan pancen ngehits, mangka tak tunggu tanayangan pisanane. Jedheer...adegan pambukane wis puadhaaa teniin. Dadi ngene critane ana alien bagus awet enom jenenge Do Min Joon sing keblasuk ning Bumi mbuh apa sebabe paling pas ana star wars po ya. Nah terus ning Bumi kuwi dheweke wis urip 400 taun lan ing taun2 terakhir kui dheweke seneng karo artis koplak ning kondhang kaloka jenenge Cheon Song Yi. Ning versi Indonesiane, sing dadi Do Min Joon (Kim Soo Hyun) iku Morgan lan sing dadi Cheon Song Yi (Jun Jihyun) iku Nikita Willy.

Adegan awale ning versi Korea yaiku pas Do Min Joon nulungi cah wadon sing meh tiba ning jurang, carane dheweke ngendhekake wektu lan ketok yen godhong-godhong sing maune mabur dadi mandeg. Versi Indonesiane padha ana godhong-godhong mabur sing diendheke nanging Morgan nulungi Nikita sing meh kecemplung kali. Ora mung kui sing padha adegane, uga alien sing molah-malih seka jamane kerajaan Islam, kerajaan Jawa, pawongan taun 70an, lan pawongan jaman saiki 2014. Adegan Cheon Song Yi sing update twitter upload foto wedang kopi uga padha nanging diganti foto hamburger. Lokasi apartemene uga ora beda adoh saka drama asline, marep lift lan sisih kiwa lift.

            Saka akehe adegan lan pocapan dialog sing plek karo drama asline kui, marakake fans drama asli grundelan lan update komentar ning media sosial. Paling saka komentar iku mau, stasiun tv SBS sing  nayangake drama asline ngerti banjur arep nuntut ning jalur hukum kanggo masalah plagiarisme iki. Beritane sing dak ngerteni awale saka website berita korea sing kerep dak waca banjur diwenehi sumber saka soompi, allkpop, koreanupdates sing jebule website berita korea nganggo bahasa Inggris. Dina iki mau aku uga bukak facebook lan nemu berita asli nganggo basa Korea lan saka basa Cina sing dak reti seka kancaku ning grup Mak Rumpik. Aku uga nemu berita plagiarisme iki saka yahoo, iki berita basa Indonesia pertama sing tak ngerteni babagan sinetron iki.

Saiki nasibe sinetron Kau Yang Berasal Dari Bintang njur kepiye. Jebul tanggal 1 Mei 2014 ora tayang, paling kisinan lan kudu evaluasi. Iki ora main2 maneh, wis tekan luar negeri beritane. Muga-muga saka kasus iki, wong Indonesia isa luwih kreatif maneh yen ameh gawe karya apawae. Aja mung njiplak sing wis terkenal. Gawe sing biasa nanging ana isine lan ngindonesia, mbokmenawa malah njawani. Nuwun.